اسلام آباد: کنگ سلمان ریلیف سینٹر کی طرف سے پاکستان میں اندھے پن اور اس کی وجہ سے ہونے والی بیماریوں کے علاج کیلئے 12 آئی کیمپس کا آغاز کیا جا رہا ہے۔ ان میڈیکل کیمپوں کے ذریعے KSrelief ہزاروں مریضوں کی زندگیوں میں نمایاں تبدیلی لانے کے لیے کوشاں ہےجس سے ان افراد کی بینائی کی بحالی اور ایک روشن مستقبل کی امید فراہم کرنا ہے۔
کنگ سلمان ہیومینٹیرین ایڈ اینڈ ریلیف سینٹر (KSrelief) نے پاکستان میں اندھے پن اور آنکھوں کی بیماریوں سے نمٹنے کے لیے 12 میڈیکل کیمپوں کو سپانسر کیا ہے۔
یہ کیمپ البصر انٹرنیشنل فاؤنڈیشن کے معاونت سے الابراہیم آئی ہسپتال کراچی کے تعاون سے منعقد کیے جا رہے ہیں، جس کا مقصد ایسے افراد کو آنکھوں کی دیکھ بھال کی جدید سہولیات فراہم کرنا ہے جو خصوصی علاج تک رسائی سے محروم ہیں یا اس کی استطاعت نہیں رکھتے۔
یہ میڈیکل کیمپ بنیادی طور پر صوبہ سندھ اور بلوچستان کے دیہی اور شہری علاقوں میں لگائے گئے جوکہ ایسے علاقے ہیں جہاں آنکھوں کی دیکھ بھال کی خدمات محدود ہیں۔ اس پروگرام کا بنیادی مقصد آنکھوں سے متعلق مسائل کا ابتدائی مرحلے میں پتہ لگانا اور ان کا ازالہ کرنا ہے ۔
اس پروگرام کے تحت 50 ہزار سے زیادہ طبی معائنے ، 5 ہزار سے زائد سرجریز اور بینائی کی اصلاح کے لیے ڈاکٹروں کی تجویز کردہ ادویات کے ساتھ 12 ہزار آنکھوں کے چشمیں فراہم کرنا ہے۔
یہ کیمپ کراچی، ماتلی، شکارپور ، کنڈیرو، خاران اور قلات کے شہروں میں منعقد کیے جا رہے ہیں، جس سے ان علاقوں کے رہائشیوں کو آنکھوں کی دیکھ بھال کی خصوصی خدمات سے استفادہ کرنے اور اپنی بینائی دوبارہ حاصل کرنے کا موقع ملے گا۔
یہ آئی کیمپس مملکت سعودی عرب کے انسانی مقاصد کے لیے وابستگی اور اندھے پن سے متاثرہ افراد کی زندگیوں کو بہتر بنانے کے لیے ان کی جذبے کی نمائندگی کرتی ہے۔ ان میڈیکل کیمپوں کے ذریعے KSrelief ہزاروں مریضوں کی زندگیوں میں نمایاں تبدیلی لانے کے لیے کوشاں ہے، جس سے ان افراد کی بینائی کی بحالی اور ایک روشن مستقبل کی امید فراہم کرنا ہے۔