لاہور : مسلم لیگ ن کی چیف آرگنائزر مریم نواز شریف نے کہا ہے کہ پاکستان کی خودمختاری پر حملے کا منہ توڑ جواب دینے پر ہم سب افواج پاکستان کو خراج تحسین پیش کرتے ہیں۔
انہوں نے اپنے ایکس اکاؤنٹ پر لکھا کہ خفیہ معلومات اور پیشہ ورانہ قابلیت پر مبنی بروقت کارروائی قابل داد ہے۔ اللّہ ہمارے ملک کو سلامت رکھے ۔
واضح رہے کہ ایران نے منگل اور بدھ کی درمیانی شب پاکستان پر حملہ کیا تھا جس میں دو بچے شہید ہوئے تھے پاکستان نے آج صبح جوابی حملہ کیا ہے جس میں 9 دہشت گرد مارے گئے ہیں۔