شاہد خاقان عباسی کا مسلم لیگ ن چھوڑنے کا فیصلہ ، سابق وزیر اعظم نئی جماعت بنا رہے ہیں، پنڈی ریجن کی حمایت بھی حاصل ہے: سینئر صحافی کا دعویٰ

اسلام آباد: مسلم لیگ ن کے سینئر رہنما اور سابق وزیر اعظم شاہد خاقان عباسی نے مسلم لیگ ن چھوڑنے کا فیصلہ کر لیا ہے ۔ شاہد خاقان عباسی مفتاح اسماعیل کو ہٹانے اور گزشتہ 8 ماہ کے دوران خود کو سائیڈ لائن کیے جانے پر نالاں ہیں۔ 

سینئر صحافی عارف حمید بھٹی نے اپنے پروگرام میں دعویٰ کیا ہے کہ شاہد خاقان عباسی نے کراچی میں 3 اجلاس کیے ہیں اور وہ نئی جماعت بنانے جا رہے ہیں۔ مفتاح اسماعیل بھی ان کے ساتھ ہوں گے۔ 

عارف حمید بھٹی کا دعویٰ ہے کہ شاہد خاقان عباسی کو مسلم لیگ ن کے 15 ایم این ایز کے ساتھ ساتھ پنڈی ریجن کےتین ایم این ایز کی بھی حمایت حاصل ہے۔ 

دوسری طرف سابق وزیر خزانہ مفتاح اسماعیل کھل کر پارٹی پر تنقید کر رہے ہیں اور گزشتہ روز انہوں نے نجی ٹی وی کے پروگرام میں بتایا کہ  مسلم لیگ ن آئی ایم ایف کے حوالے سے صحیح فیصلے نہیں کر رہی ۔