لاہور :بلال یاسین کی سپاری کتنے میں دی گئی ،ملزمان کی اندرونی کہانی سامنے آگئی ،شوٹرز نے بلال یسین پر فائرنگ کرنے کے کتنے پیسے لیے ،نیو نیوز نے پتا لگا لیا ۔
نمائندہ نیو نیو زکے مطابق بلال یاسین پر فائرنگ کرنے والے شوٹر ماجد اور کاشف نے 10 لاکھ روپے تک کی سپاری پکڑی ،جس میں سے ماجد نے 5 لاکھ اور کاشف نے بھی پانچ لاکھ روپے لیے۔
ذرائع کے مطابق دونوں ملزمان نے بلال یاسین پر فائرنگ کیلئے کیش رقم وصول کی ،دونوں شوٹرز نے پولیس کی تفتیش میں بھی رقم لینے کا عتراف کر لیا ۔
پولیس حکام کا کہنا ہے حراست میں لیے جانے والے شوٹرز سے مزید تفتیش جاری ہے ،لیکن اصل حقائق مرکزی ملزم میاں وکی کی گرفتاری کے بعد ہی سامنے آئینگے ۔
