ریاض : یوکرین تنازع پر ایک اہم پیشرفت سامنے آئی ہے، جہاں امریکی اور روسی حکام کل سعودی عرب کے دارالحکومت ریاض میں ملاقات کریں گے۔ اس ملاقات میں روسی وزیر خارجہ سرگئی لاروف امریکی وزیر خارجہ مارکو روبیو، قومی سلامتی کے مشیر مائیک والٹز اور خصوصی ایلچی اسٹیو وٹکوف کی قیادت میں امریکی ٹیم سے بات چیت کریں گے۔
ملاقات میں یوکرین جنگ کے خاتمے پر تبادلہ خیال کیا جائے گا، جبکہ اس کے ساتھ ساتھ غزہ پر ٹرمپ کا منصوبہ بھی ایجنڈے میں شامل ہے۔ تاہم، اس بات چیت میں یوکرین کی شمولیت نہیں ہوگی۔
یوکرینی صدر زیلنسکی نے اس ملاقات پر ردعمل دیتے ہوئے کہا ہے کہ یوکرین کی شمولیت کے بغیر کسی بات چیت کا کوئی نتیجہ نہیں نکلے گا اور نہ ہی وہ ایسا کوئی معاہدہ قبول کریں گے جس میں یوکرین کو شامل نہ کیا جائے۔