کراچی : پاکستان کرکٹ ٹیم کے سابق کپتان شاہد خان آفریدی کی بڑی بیٹی اقصیٰ کے ہاں پہلے بچے کی پیدائش ہوئی ہے۔ شاہد آفریدی نے یہ خوشخبری اپنے سوشل میڈیا اکاؤنٹ کے ذریعے اپنے مداحوں کو دی۔
آفریدی نے اپنے پیغام میں کہا کہ "الحمدللہ 16 دسمبر کو اللہ نے اقصیٰ اور نصیر کو ایک خوبصورت بیٹی 'آئرا' سے نوازا ہے۔" انہوں نے مزید کہا کہ "بیٹیاں اللہ کی رحمت اور سب سے قیمتی نعمت ہیں، ہمیں اپنی دعاؤں میں یاد رکھیں۔" شاہد آفریدی نے ایک تصویر بھی شیئر کی جس میں اقصیٰ اور ان کے شوہر نصیر ناصر خان اپنی بیٹی آئرا کو اپنے ہاتھوں میں اُٹھائے ہوئے ہیں۔
یاد رہے کہ اقصیٰ اور نصیر ناصر خان کا نکاح دسمبر 2022 میں ہوا تھا اور ان کی رخصتی جولائی 2023 میں ہوئی تھی۔ اس سے قبل، شاہد آفریدی کی بیٹی انشا اور فاسٹ بولر شاہین آفریدی کے ہاں بھی ایک بیٹے کی پیدائش ہوئی تھی، جس کے بعد شاہد آفریدی نانا بنے تھے۔