لانس نائیک محمد محفوظ شہید کو قوم کا سلام

راولپنڈی:1971 کی جنگ کے ہیرو لانس نائک محمد محفوظ  شہید کے یوم شہادت پر  قوم زبردست خراج عقیدت پیش کر رہی ہے۔

تفصیلات کے مطابق انیس سو اکہتر کی جنگ میں  دشمن فوج  کا  جرات و شجاعت  سے مقابلہ کرتے ہوئے جام شہادت نوش کرنے والے لانس نائیک محمد محفوظ کی آخری آرام گاہ پر آج تقریب ہوئی، پاک فوج کے دستے نے سلامی دی۔
جنگ کے دوران لازوال بہادری کا مظاہرے کرتے ہوئے شہادت کے رتبے پر فائز ہونے والے لانس نائیک محمد محفوظ کو نشان حیدر سے نوازا گیا۔دوسری  جانب ڈی جی آئی ایس پی آر میجر جنرل  بابر افخار نے بھی اس حوالے سے ٹویٹ کرتے ہوئے لانس نائیک محفوظ شہید کو زبردست خراج عقیدت پیش کیا۔

https://twitter.com/OfficialDGISPR/status/1471918407159324677?s=20
ڈی جی آئی ایس پی آر نے لکھا کہ 'ہم لانس نائیک  محمد محفوظ شہید  کو خراج عقیدت پیش کرتے ہیں۔ 50 سال قبل آج کے دن 1971 میں واہگہ بارڈر پر
انہوں  نے دیدہ دلیری و ہمت کا مظاہرہ کرتے ہوئے دشمن کی خندقوں پر حملہ کیا اور ان کی بندوقیں خاموش کرا دیں۔ ان کے بہادرانہ اقدامات ملک کے محافظوں کے لیے مشعل راہ ہیں۔'