ملتان : سیریز کے دوسرے میچ کے تیسرے روز، پاکستان کی دوسری اننگز جاری ہے، جہاں 2 وکٹوں کے نقصان پر 33 رنز بنا لیے ہیں۔
انگلینڈ نے اپنی پہلی اننگز کا آغاز 239 رنز 6 کھلاڑی آؤٹ سے کیا، مگر 248 رنز پر ساجد خان نے برینڈن کیرس کو صرف 4 رنز پر پویلین بھیج دیا، جس کے ساتھ انہوں نے اپنی اننگز میں پانچواں شکار کیا۔ ساجد خان نے اگلے بلے باز میتھیو پوٹس کو بھی بولڈ کیا، جو کہ 6 رنز بنا سکے۔
انگلینڈ نے دن کا آغاز 239 رنز پر 6 وکٹوں کے ساتھ کیا تھا، لیکن ساجد خان نے جلد ہی برینڈن کیرس کو 4 رنز پر آؤٹ کر دیا، اور اس کے بعد میتھیو پوٹس کو بھی 6 رنز پر بولڈ کر کے اپنی اننگز کی ساتویں وکٹ حاصل کی۔
جیمی اسمتھ نے 21 رنز بنائے جبکہ جیک لیچ 25 رنز کے ساتھ ناٹ آؤٹ رہے۔ پاکستان کی جانب سے ساجد خان نے بہترین باؤلنگ کرتے ہوئے 7 وکٹیں حاصل کیں، جبکہ نعمان علی نے 3 کھلاڑیوں کو آؤٹ کیا۔
پاکستان نے اپنی پہلی اننگز میں کامران غلام کی شاندار ڈیبیو سنچری کی مدد سے 366 رنز بنائے تھے۔ اس سے قبل انگلینڈ نے دوسرے دن کھیل ختم ہونے تک 239 رنز پر 6 وکٹیں گنوا دی تھیں۔
اس سیریز کے پہلے میچ میں انگلینڈ نے پاکستان کو ایک اننگز اور 47 رنز سے شکست دی تھی، اور سیریز میں 1-0 کی برتری حاصل کی ہوئی ہے۔
