سڈنی: ٹی ٹوئنٹی ورلڈکپ کے پہلے راؤنڈ میں ایک اور اپ سیٹ ، اسکاٹ لینڈ نے ویسٹ انڈیز کو 42 رنز سے شکست دیدی ۔
تفصیلات کے مطابق ہوبارٹ میں کھیلے گئے میچ میں ویسٹ انڈیز کی ٹیم اسکاٹ لینڈ کے خلاف 118 رنز پر آؤٹ ہوگئی ۔ 161 رنز کے تعاقب میں ویسٹ انڈیز کی بیٹنگ لائن ڈگمگا گئی ، کوئی بیٹسمین جم کر نہیں کھیل سکا ۔
پاور پلے میں 53 رنز بنانے کے باوجود سابق چیمپینز اسکاٹش بولرز کا مقابلہ نہ کرسکے ۔ فاتح ٹیم کی طرف سے مارک واٹ نے تین وکٹیں حاصل کیں ۔ اسکاٹ لینڈ کی طرف سے جارج مُنزے نے 66 رنز اسکور کیے تھے ۔
واضح رہے کہ کل ورلڈ کپ کے پہلے میچ میں نمیبیا نے سری لنکا کو ہرایا تھا ، اس طرح دو دن میں دوسرا اپ سیٹ ہوگیا ہے ۔