واشنگٹن:سابق وزیر اعظم و چیئر مین پی ٹی آئی عمران خان امریکی تاریخ میں پہلی بار وفاقی اپیلز کورٹ کے نامزد ہونے والےمسلمان جج عدیل منگی کے آئیڈیل نکلے۔
پاکستان سپریم کورٹ کے وکیل بیرسٹر گوہر خان نے سماجی رابطے کی ویب سائٹ ایکس پر ایک پوسٹ میں کہا کہ امریکی صدر جو بائیڈن نے پاکستانی نژاد عدیل منگی کو امریکی سرکٹ کورٹ آف اپیل کا جج نامزد کیا (سینیٹ کی توثیق سے مشروط)۔ گوہر خان نے کہا کہ ان کے دفتر کی تصویروں کو غور سے دیکھیں تو معلوم ہو گا کہ ان کے آئیڈیل کون ہیں!
US President Joe Biden nominated Pakistani-origin Adeel A Mangi as Judge US Circuit Court of Appeal (subject to Senate confirmation). Look carefully at the pictures in his office - who are his Ideals! pic.twitter.com/cvQvrNTjcc
— Barrister Gohar Khan (@BarristerGohar) November 17, 2023
خیال رہے کہ امریکا کے صدر جو بائیڈن نے وفاقی اپیلز کورٹ میں پاکستانی امریکن شہری عدیل منگی کو جج نامزد کرنے کا فیصلہ کیا۔
واشنگٹن پوسٹ کی رپورٹ کے مطابق صدر جوبائیڈن نے آکسفورڈ اور ہارورڈ سے تربیت یافتہ قانون دان عدیل منگی کو وفاقی اپیلز کورٹ کے تھرڈ سرکٹ میں جج لگانے کا اعلان کیا ہے۔
چھیالیس سالہ عدیل منگی کا تعلق کراچی سے ہے اور سینیٹ سے منظوری کے بعد وہ امریکی تاریخ میں فیڈرل ایپلز کورٹ کے پہلے مسلمان جج بن جائیں گے۔
نامزد عدیل اے منگی، نیویارک کی مسلم بار ایسوسی ایشن، نیویارک کی لیگل ایڈ سوسائٹی اور مسلمز فار پروگریسو ویلیوز کے بورڈ آف ڈائریکٹرز اور نیشنل ایل جی بی ٹی بار ایسوسی ایشن کے اتحادی بورڈ ممبر کے طور پر خدمات انجام دے چکے ہیں۔
