بھارتی کپتان روہت شرما پر ٹاس فکسنگ کا الزام

متفرق خبریں کھیل 
  نیوویب ڈیسک
بھارتی کپتان روہت شرما پر ٹاس فکسنگ کا الزام
سورس: File

لاہور: بھارت میں انٹرنیشنل کرکٹ کونسل(آئی سی سی) ورلڈ کپ 2023 اختتام پذیر ہونے والا ہے۔ آئی سی سی ورلڈ کپ میں بھات شروع سے کسی نہ کسی الزام پر تنقید کی زد میں رہا۔ پہلے سیمی فائنل بھارت بمقابلہ نیوزی لینڈ میں بھارتی کرکٹ بورڈ اور کپتان پر پچ تبدیلی کا الزام لگایا گیا تھا، اب بھارتی کپتان روہت شرما کو ٹاس فکسنگ کے الزام کا سامنا ہے۔ 

  پاکستان کرکٹ ٹیم کے سابق فاسٹ بولر سکندر بخت نے بھی بھارتی کپتان روہت شرما پر میچ تبدیلی کا الزام لگایا۔ سکندر بخت نے سماجی رابطے کی ویب سائٹ ایکس پر اپنے ایک پیغام میں کہا کہ بخت نے دعویٰ کیا کہ روہت ون ڈے ورلڈ کپ کے دوران ٹاس فکس کر رہے ہیں۔ بخت کا کہنا ہے کہ روہت سکہ اپنے ہم منصب سے بہت دور اچھالتا ہے اور آئی سی سی حکام لامحالہ ہندوستان کے حق میں فیصلےکرتے ہیں۔

سپریم کورٹ بار ایسوسی ایشن کا دھرنوں اور احتجاج کی مذمت، انتظامیہ سے راستے کھولنے کا مطالبہ

دوسری جانب ایکس پر ویڈیوز وائر ل ہو رہی ہیں جس کے ساتھ تبصروں میں کہا جارہاہے کہ بھارتی کپتان رہوت شرما ٹاس کے وقت سکے کو اتنی دور پھینک دیتے ہیں کہ حریف کپتان کو معلوم ہی نہیں ہوتا کہ ٹاس کون جیتا ہے جبکہ میچ ریفری بتاتا ہے کہ ٹاس بھارت نے جیت لیا ہے ۔

ایلون مسک کی نیورالنک کو کینیڈا میں انسانی آزمائش کی منظوری

سوشل میڈیا پر ورلڈکپ کے گروپ مرحلے کے میچز کے دوران بھی بھارتی کپتان کے دیگر ٹیموں کے ساتھ بھی ٹاس کے وقت سکے کو دور پھینکنے کی ویڈیو وائرل ہورہی ہے۔میگا ایونٹ کے دوران روہت نے سیمی فائنل میں نیوزی لینڈ جبکہ گروپ میچز کے دوران پاکستان، افغانستان انگلینڈ، آسٹریلیا، جنوبی افریقا اور سری لنکا کے خلاف میچز میں ٹاس جیتا تھا۔

ٹاس فکسنگ کے الزام کے بعد روہت شرما کی ویڈیو تیزی سے سوشل میڈیا پرتیزی سے پھیل گئی اور ایک بار پھر سوشل میڈیا صارفین کے غم و غصے کو ہوا دے دی۔ 

وزارت داخلہ کاسیکیورٹی خدشات کے پیش نظر بعض علاقوں میں موبائل اور انٹرنیٹ سروسز معطل کرنے کا فیصلہ

دوسری جانب  پاکستان کے سابق کپتان اور لیجنڈری فاسٹ باؤلر وسیم اکرم نے سکندر بخت کے دعوے کی تردید کرتے ہوئے کہا کہ  کون فیصلہ کرکے سکہ اچھالتا ہے کہ اسے کہاں اترنا چاہیے؟ پاکستان کے سابق وکٹ کیپر بلے باز معین نے بھی اس الزام کی تردید کرتے ہوئے کہا کہ ہر کپتان کا سکہ اچھالنے کا الگ طریقہ ہوتا ہے۔

  

یاد رہے کہ ورلڈ کپ کے پہلے سیمی فائنل سے قبل بی سی سی آئی اور بھارتی کپتان پر پچ تبدیلی کا الزام لگا تھا کہ سیمی فائنل کو بھارت کے حق میں بنانے کیلئے میچ سے قبل پچ تبدیل کر دی گئی ہے۔ 

ملک میں سونے کی قیمت میں مسلسل اضافہ، فی تولہ 2,82,700 روپے تک پہنچ گیا

واضح رہے کہ بھارت میں جاری انٹر نیشنل کرکٹ کونسل (آئی سی سی) ورلڈ کپ 2023 کا  فائنل میچ 19 اکتوبر کو بھارت کے شہر احمد آباد کے نریندرمودی سٹیڈیم میں انڈیا اور آسٹریلیا کے درمیان کھیلا جائے گا۔

مصنف کے بارے میں