راولپنڈی : اذلان شاہ ہاکی کپ میں شاندار کارکردگی دکھانے والی پاکستان ہاکی ٹیم نے جی ایچ کیو میں آرمی چیف جنرل سید عاصم منیر سے ملاقات کی ہے۔
آئی ایس پی آر کا کہنا تھا کہ آرمی چیف نے پاکستان ہاکی ٹیم کا استقبال کیا ۔ ملاقات میں پاکستان ہاکی فیڈریشن کے صدر طارق حسین اور پی ایچ ایف کے دیگر عہدیداران نے بھی شرکت کی ۔
آرمی چیف نے ٹیم کی شاندار کارکردگی پر تعریف کرتے ہوئے کہا ہاکی ٹیم نے قوم کا سر فخر سے بلندکیا ہے ۔ہم ان کی مسلسل کامیابی کو یقینی بنانے کے لیے انہیں جامع تعاون فراہم کرنے کے لیے پرعزم ہیں۔
آرمی چیف نے کھلاڑیوں کے مستقبل کے لیے نیک خواہشات کا اظہار کیا ۔ پی ایچ ایف کے صدر نے ٹیم سے ملاقات اور بات چیت کے موقع پر آرمی چیف کا شکریہ ادا کیا