لندن: دنیائے فٹبال کی اہم ترین ٹیم لیسٹر سٹی نے اسرائیل کے مظالم کیخلاف انوکھا احتجاج کرتے ہوئے ویمبلے سٹیڈیم میں فلسطین کا جھنڈا لہرا دیا ہے۔
غیر ملکی خبر رساں ادارے کے مطابق یہ تاریخی واقعہ ایف اے کپ کے فائنل میچ میں پیش آیا۔ اس میچ میں لیسٹر سٹی اور چیلسی کی ٹیمیں ایک دوسرے کیساتھ مدمقابل تھیں۔
لیسٹر سٹی اس میچ میں چیلسی کو شکست دے کر پہلی بار ایف اے کپ کی فاتح بنی۔ اس موقع پر لیسٹر سٹی کے کھلاڑیوں نے فلسطین کی مظلوم عوام سے اظہار یکجہتی کیا اور ان کا جھنڈا لہرایا۔
خیال رہے کہ برطانوی دارالحکومت لندن کے مشہور ویمبلے سٹیڈٰیم میں کھیلے گئے اس میچ میں لیسٹر سٹی نے چیلسی کو ایک گول سے شکست دی تھی۔
Leicester City's Hamza Choudhury and Wesley Fofana wave the Palestinian flag after their FA Cup Final win over Chelsea pic.twitter.com/xYJiVvJiDb
— Saj Sadiq (@Saj_PakPassion) May 15, 2021
اس تاریخی میچ کے پہلے ہاف میں دونوں ٹیموں نے ایک دوسرے پر تابڑ توڑ حملے کئے لیکن کوئی بھی گول کرنے میں ناکام رہیں۔
تاہم کھیل کے دوسرے ہاف کے باسٹھویں منٹ پر لیسٹر سٹی کے مایہ ناز فٹبالر ٹائیلیمنز نے حیرت انگیز گول کرکے اپنی ٹیم کو چیلسی پر برتری دلوا دی۔ اس کے بعد چیلسی کے کھلاڑیوں نے بہت کوشش کی لیکن کوئی بھی گول نہ ہو سکا، یوں لیسٹر سٹی یہ فائنل میچ ایک صفر سے جیت گئی۔
یہ بات یاد رہے کہ لیسٹر سٹی نے اس سے قبل ایف اے کپ کے فائنل میں فتح حاصل نہیں کی تھی۔ فائنل میچ میں فتح حاصل کرنے کے بعد لیسٹر سٹی کے کھلاڑیوں نے فلسطین کا جھںڈا لہرایا اور وہاں بسنے والے مظلوموں کو خراج تحسین پیش کیا۔
Leicester’s Hamza Choudhury collecting his FA cup winners medal wearing a Palestine flag. #FACupFinal #Palestine pic.twitter.com/uOn1cHGWXI
— Aaron Bastani (@AaronBastani) May 15, 2021
خیال رہے کہ اسرائیلی فوج کی فلسطینی علاقوں میں جارحیت کا سلسلہ جاری ہے، جس کے نتیجے میں مزید 54 شہادتوں کا اضافہ ہو گیا ہے۔
شہید ہونیوالوں میں سے 21 کا تعلق غرب اردن اور 33 کا غزہ ے ہے۔جبکہ شہادتوں کی کل تعداد 200 سے تجاوز کر چکی ہیں۔
