اسلام آباد : وزیراعظم پاکستان محمد شہبازشریف کی سپیکر قومی اسمبلی کو ایڈوائس پر قومی سلامتی کی پارلیمانی کمیٹی کا اجلاس کل (بروز منگل) سہ پہر ڈیڑھ بجے طلب کر لیا گیا ہے۔ یہ اجلاس قومی اسمبلی ہال میں منعقد ہوگا۔
اجلاس اِن کیمرہ ہوگا، جس میں عسکری قیادت پارلیمانی کمیٹی کو موجودہ سکیورٹی صورتحال پر بریفنگ دے گی۔ اجلاس میں پارلیمان میں موجود تمام سیاسی جماعتوں کے پارلیمانی لیڈران اور ان کے نامزد نمائندگان شرکت کریں گے، جبکہ متعلقہ اراکین کابینہ بھی اس اجلاس میں شریک ہوں گے۔