لاہور: پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کا قافلہ لاہور ہائیکورٹ پہنچ گیا ہے جبکہ عدالت نے ان کی گاڑی کو احاطہ عدالت میں داخل ہونے کی اجازت بھی دیدی ہے۔
تفصیلات کے مطابق لاہور ہائیکورٹ کا 2 رکنی بینچ عمران خان کی حفاظتی ضمانت کی درخواستوں پر سماعت کرے گا۔ 2 رکنی بینچ جسٹس طارق سلیم شیخ اور جسٹس فاروق حیدر پر مشتمل ہے جو انسداد دہشت گردی دفعات کے تحت درج 7 مقدمات میں حفاظتی ضمانت پر سماعت کرے گا۔
PTI Chairman @ImranKhanPTI has reached Lahore High Court. #چلو_چلو_عمران_کے_ساتھ pic.twitter.com/aIJYbnvQCO
— PTI (@PTIofficial) March 17, 2023
ذرائع کے مطابق عدالت نے عمران خان کی بلٹ پروف گاڑی کو احاطہ عدالت میں داخل ہونے کی اجازت بھی دیدی ہے جبکہ سیکورٹی کے پیش نظر عدالت کے باہر اینٹی رائٹ فورس بھی تعینات کر دی گئی ہے۔ ذرائع کا کہنا ہے کہ 2 رکنی بینچ کے بعد جسٹس طارق سلیم شیخ دو مقدمات میں حفاظتی ضمانت پر سماعت بھی کریں گے۔
