اسلام آباد: وزیراعظم پاکستان عمران خان نے آسٹریلیا کیخلاف دوسرے ٹیسٹ میچ میں کپتان بابراعظم کی بھرپور تعریف کرتے ہوئے میچ نہ دیکھنے کی وجہ بھی بتا دی ہے۔
تفصیلات کے مطابق وزیر اعظم عمران خان نے سماجی رابطوں کی ویب سائٹ ٹوئٹر پر جاری پیغام میں لکھا ’ بابراعظم کو شاندار کیپٹن اننگز کے ذریعے زبردست فائٹ بیک کرنے اور ورلڈکلاس بیٹنگ کا مظاہرہ کرنے پر مبارکباد، اور جس طرح پوری ٹیم بالخصوص محمد رضوان اور عبداللہ شفیق نے آسٹریلیا کا مقابلہ کیا، انہیں بھی مبارکباد پیش کرتا ہوں۔‘
Congratulations to Babar Azam for leading the Pak team in a tremendous fightback with a superb captain's inning & world class batting display; & congratulations to the rest of the team too in the way they fought back, especially Rizwan & Shafique.
— Imran Khan (@ImranKhanPTI) March 17, 2022
وزیراعظم نے ایک اور ٹویٹ میں لکھا ’ بدقسمتی سے میں یہ میچ نہیں دیکھ سکا کیونکہ میں ایک اور محاذ پر میچ فکسنگ کے خلاف لڑ رہا ہوں جہاں میرے کھلاڑی کو بھاری رقوم کی لالچ دی جا رہی ہے!‘
Unfortunately I could not watch this match as I am fighting on another front against match fixing where huge amounts of money are being used to lure my players!
— Imran Khan (@ImranKhanPTI) March 17, 2022
واضح رہے کہ پاکستان اور آسٹریلیا کے درمیان نیشنل سٹیڈیم کراچی میں کھیلا گیا دوسرا ٹیسٹ میچ بغیر کسی نتیجے کے ختم ہوا جس کیلئے قومی ٹیم نے 6 سیشنز میں عمدہ بلے بازی کا مظاہرہ کیا۔
قومی ٹیم کے کپتان بابراعظم نے انتہائی عمدہ بلے بازی کرتے ہوئے 196 کی تاریخی اننگز کھیلی اور محمد رضوان نے 104 رنز بنائے جبکہ عبداللہ شفیق نے 96 رنز کی اننگز کھیلی۔
