اسلام آباد:کرائسٹ چرچ مسجد میں سفید فام دہشتگرد کو روکتے ہوئے شہادت پانے والے پاکستانی نعیم راشد کیلئے وزیراعظم عمران خان نے قومی ایوارڈ کا اعلان کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان نے کہا کہ کرائسٹ چرچ حملے میں جاں بحق افراد کے لواحقین کے ساتھ ہیں،بہادری دکھانے پر شہیدنعیم کو نیشنل ایوارڈ سے نوازاجائے گا۔
ہم کرائسٹ چرچ دہشت گرد حملے کی زد میں آنے والے پاکستانیوں کے اہل خانہ کو مکمل معاونت فراہم کرنے کیلئے تیار ہیں۔پاکستان کو میاں نعیم رشید پر فخر ہے جنہوں نے سفید فام دہشت گرد پر قابو پانے کی کوشش میں جام شہادت نوش کیا۔ انکے حوصلے کو قومی انعام کیساتھ یادگار بنایا جائے گا۔
— Imran Khan (@ImranKhanPTI) March 17, 2019
اپنے ٹوئیٹ میں وزیر اعظم نے کہاپاکستان کو سفید فام دہشت گرد کو روکنے کی کوشش کرنے پر شہید نعیم پر فخرہے،نعیم راشدسفیدفام دہشتگردکوروکتے ہوئے شہیدہوئے۔وزیراعظم نے کہا کہ نعیم راشدکی ہمت اوربہادری پرقومی ایوارڈدیاجائےگا، متاثرہ پاکستانی خاندانوں کےساتھ ہیں اور ہم متاثرین کے خاندان کی مددکیلئے تیارہیں۔
We stand ready to extend all our support to the families of Pakistani victims of the terrorist attack in Christchurch. Pakistan is proud of Mian Naeem Rashid who was martyred trying to tackle the White Supremacist terrorist & his courage will be recognized with a national award.
— Imran Khan (@ImranKhanPTI) March 17, 2019
واضح رہے کہ نیوزی لینڈ میں سفاک دہشتگر د کو روکتے ہوئے پاکستانی ڈاکٹر نعیم بیٹے طلحہٰ سمیت شہید ہوئے ۔پی ایچ ڈی سکالر ڈاکٹر نعیم نیوزی لینڈ کی یونیورسٹی میں پروفیسر تھے جبکہ 21سالہ طلحہ انجینئرنگ کے شعبے سے وابستہ تھا۔
شہید نعیم کے بھائی ڈاکٹر خورشید کا کہنا ہے ،بھائی کی اہلیہ نے شہادتوں کی تصدیق کی ہے ،بھابھی اور 2 بچے نیوزی لینڈ میں ہی مقیم ہیں ، لاشیں ابھی تک ورثا کے حوالے نہیں کی گئیں ۔
ڈاکٹر نعیم کی کزن اور خیبر پختونخوا اسمبلی کی سابق رکن آمنہ سردار کا کہنا ہے ، بھائی کی شہادت پر فخر ہے ، شہیدڈاکٹر نعیم اور طلحہ کی تدفین وہیں کی جائے گی جبکہ اہلخانہ نے وزارت خارجہ سے ویزے جاری کرنے کا مطالبہ کیا ہے۔
