شیشہ کلب کی ویڈیو وائرل ہونے کے بعد ثانیہ مرزا بھی میدان میں آگئی

متفرق خبریں کھیل 
 
شیشہ کلب کی ویڈیو وائرل ہونے کے بعد ثانیہ مرزا بھی میدان میں آگئی

لاہور:شیشہ کلب میں شعیب ملک کی دیگر کھلاڑیوں کے ساتھ سامنے آنے والی ویڈیو پر ثانیہ مرزا بھی میدان میں آگئی اور ناراضگی کا اظہار کردیا۔

تفصیلات کے مطابق پاک بھارت میچ سے ایک رات قبل قومی ٹیم کے کھلاڑیوں کی شیشہ کلب میں ویڈیو منظر عام پر آئی جس کے بعد شائقین کرکٹ نے شدید تنقید کا نشانہ بنایا۔

ویڈیو وائر ل ہونے اور اس پر پاکستانیوں کے شدید ردعمل پر ثانیہ مرزا کا موقف بھی سامنے آگیا جو اس وقت اس بار میں موجود تھیں ،انہوں نے سماجی رابطے کی ویب سائٹ ٹوئٹر کا سہارا لیتے ہوئے کہا کہ آپ کومعلوم ہونا چاہیے کہ ہم ڈنر کیلئے باہرگئے تھے،ہمارے سا تھ بچہ بھی تھا،ہماری ذاتی زندگی میں مداخلت کی گئی،وڈیوبنانےوالے کو ایسا کرنے کا کہاگیا ہوگا،میچ ہارنے پربھی لوگوں کو کھانےکی اجازت ہوتی ہے۔

عالمی مارکیٹ میں سونے کی قیمت میں کمی، پاکستان میں  بھی سونا سستا

واضح رہے کہ بھارت نے اہم میچ میں گزشتہ روز پاکستان کو ڈک ورتھ لوئس میتھڈ کے ذریعے 89رنز سے شکست دی ، جس پر پوری پاکستانی قوم شدید مایوسی کا شکار ہے۔

سوشل میڈیا پر ایک ویڈیو تیزی کیساتھ وائرل ہو رہی ہے۔جس میں دیکھا جاسکتا ہے کہ شعیب ملک ، وہاب ریاض اور امام الحق شیشہ کلب میں موجود ہیں اور خوش گپیاں کرتے ہوئے نظر آئے۔