سلمان خان نے باکس آفس پر ساری عیدی لوٹ لی

متفرق خبریں انٹرٹینمینٹ 
 
سلمان خان نے باکس آفس پر ساری عیدی لوٹ لی
کیپشن: image by facebook

ممبئی : بالی وڈ سٹار سلمان خان کی نئی فلم ریس تھری نے باکس آفس پر عیدی لوٹ لی  اور کمائی کے تمام ریکارڈ اپنے نام کر لیےہیں۔

عید اور سلمان خان کا تعلق بالی وڈ میں کسی سے ڈھکا چھپا نہیں ہے اور عید پر ان کی فلمیں کئی سالوں سے ریلیز ہورہی ہیں ، اس سال بھی عید پر سلمان خان کی ’ریس 3‘ ریلیز ہوئی ہے جس نے کمائی کے پہلے روز سے ہی ریکارڈ توڑ بزنس شروع کردیا ہے۔

فلم پہلے روز 29 کروڑ 17 لاکھ بھارتی روپے کی کمائی کرکے رواں سال کی پہلے روز کی سب سے زیادہ کمائی والی فلم بن گئی ہے جب کہ فلم نے دوسرے روز بھی 38 کروڑ 14 لاکھ بھارتی روپے کا بزنس کرکے مجموعی طور پر 67 کروڑ 31 لاکھ بھارتی روپے کی کمائی کرلی ہے۔

آئی سی سی پلیئرز رینکنگ: بابر اعظم کی پہلی پوزیشن برقرار، صائم ایوب کی شاندار ترقی

سلو میاں کی ’ریس 3‘ کی ریکارڈ کمائی کے بعد فلم تیسرے روز 100 کروڑ کلب میں شامل ہونے کا امکان ہے جس کے بعد یہ 100 کروڑ کلب میں شامل ہونے والی ان کی 13 ویں فلم ہوگی۔

یاد رہے کہ سلمان خان کے مدمقابل ’ریس 3‘ میں انیل کپور، بوبی دیول، جیکولین فرنینڈس اور ڈیزی شاہ نے مرکزی کردار کیا ہے جب کہ فلم کی ہدایت کاری ریموڈی سوزا نے سر انجام دی ہے۔
 

یشمیٰ گل کا شادی کی خواہش کا اظہار، سوشل میڈیا پر ہلچل