اسلام آباد: وزیر اعلی پنجاب شہباز شریف کے پاناما کیس کی تحقیقات کرنے والی مشترکہ تحقیقاتی ٹیم (جے آئی ٹی) کے سامنے پیش ہونے پر چیئرمین تحریک انصاف عمران خان نے اپنے ردعمل کا اظہار ٹوئٹر پر کیا۔ اپنی ٹویٹ میں کہتے ہیں کہ مسلم لیگ ن کے لیے تالیاں بجانے کی بجائے شرم کا مقام ہونا چاہیے۔
It shd be a matter of shame, not applause, for PMLN that their ldrs, the PM, CM & their kids have to appear before JIT on criminal charges
— Imran Khan (@ImranKhanPTI) June 16, 2017
وزیراعظم ، وزیرا علیٰ اور انکے بچوں کو سنگین الزامات کے باعث جے آئی ٹی کے سامنے پیش ہونا پڑ رہا ہے۔ کرپشن، منی لانڈرنگ اور ٹیکس چوری کرنیوالے شریفوں کا حضرت عمر ؓ سے موازنہ شرمناک ہے۔
Outrageous: PMLN comparing corrupt, money laundering, asset concealing, tax evading Sharifs to Hazrat Umar RA a paragon of honesty & virtue https://t.co/moHFebjCAP
— Imran Khan (@ImranKhanPTI) June 16, 2017
یاد رہے جے آئی ٹی کے طلب کرنے پر وزیر اعلی پنجاب شہباز شریف پیش ہوئے اور ان سے گلف اسٹیل اور حدیبیہ پیپر مل سے متعلق بھی سوالات کیے جائیں گے۔ وزیر اعلیٰ پنجاب متعلقہ دستاویزات بھی ساتھ لیکر آئے ہیں جو جے آئی ٹی کو پیش کریں گے۔
پاناما جے آئی ٹی نے وزیر اعظم نواز شریف کے داماد کیپٹن ریٹائرڈ صفدر کو بھی 24 جون کو طلب کر رکھا ہے۔ کیپٹن صفدر کو پیشی کے سمن موصول ہو چکے ہیں۔ وزیر اعظم نواز شریف اور ان کے بیٹے حسین نواز جے آئی ٹی کے سامنے پانچ مرتبہ جبکہ حسن نواز بھی دو دفعہ جوڈیشل اکیڈمی میں جے آئی ٹی کے سامنے پیش ہو چکے ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
