میڈرڈ : میڈرڈ کشتی حادثے میں جاں بحق ہونے والے 7 پاکستانیوں کی شناخت ہوگئی ہے، جن کے نام ریحان، علی رضا، عاقب، جانی مہر، ابوبکر، عمر فاروق اور عاطف ہیں۔ یہ نوجوان گجرات کے نواحی گاؤں جوڑا کرنانہ اور ڈھولہ سے تعلق رکھتے ہیں۔
پاکستانی سفارتخانے کی قائم مقام سفیر رابعہ قصوری نے میڈیا کو بتایا کہ مراکشی حکام نے حادثے میں جاں بحق ہونے والے 10 پاکستانیوں کی تفصیلات فراہم کی ہیں۔ سفارتخانے کے حکام آج صبح ہسپتال جا کر ریکارڈ چیک کریں گے اور زندہ بچنے والوں سے ملاقات کریں گے۔ انہوں نے یہ بھی کہا کہ وہ مراکشی حکام سے مسلسل رابطے میں ہیں اور اس سانحے کے متاثرین کی مدد کے لیے اقدامات اٹھا رہے ہیں۔