کراچی: سماجی رابطے کی ویب سائٹ ٹوئٹر کو وزیر اعظم اور چیئرمین پیپلز پارٹی بلاول بھٹو نے لفظی گولہ باری کے ذریعے میدان جنگ بنالیا ہے اور بلاول بھٹو نے وزیر اعظم کے ٹوئٹ کا جواب دیتے ہوئے کہا کہ یہ بات مضحکہ خیز ہے کہ صرف اپوزیشن ارکان کے نام ای سی ایل میں ہیں۔
Why are some of our lawmakers so scared of the ECL? Why are they so keen to go abroad? There is so much work to be done by politicians in & for Pak - the land they claim to love but some cannot wait to take frequent trips abroad & lawmakers have iqamas or residencies abroad.
— Imran Khan (@ImranKhanPTI) January 17, 2019
چیئرمین پیپلز پارٹی نے مزید کہا کہ حکومتی ارکان اور وزرا بیرون ملک سفر کر رہے ہیں، سلیکٹڈ وزیراعظم انسانی حقوق کی آزادی نہیں سمجھ سکتے۔ وزیراعظم اب تک 7 غیر ملکی دورے کر چکے ہیں۔
واضح رہے کہ اپنے سوشل میڈیا پیغام میں وزیر اعظم نے سیاستدانوں سے پوچھا ہے کہ انہیں بیرون ملک جانے میں اس قدر دلچسپی کیوں ہے۔
Obviously selected PM doesn’t understand the concept of human rights or freedom of movement. Funny it’s only the opposition members on ECL, government members are busy travelling. Including PM who despite promising not to travel for 1st 6months has made more than 7 trips so far! https://t.co/uGfCfzyAyA
— BilawalBhuttoZardari (@BBhuttoZardari) January 17, 2019
پاکستان میں سیاستدانوں کے کرنے کیلئے بہت کام ہیں، اس ملک میں جس سے وہ محبت کے دعوے کرتے ہیں۔ مگر وہ کثرت سے بیرون ملک دوروں سے نہیں روکتے۔
انہوں نے مزید کہا کہ بہت سے ارکان اسمبلی اقامے اور بیرون ملک رہائش رکھتے ہیں، وزیراعظم نے سوال کیا کوئی شخص اس معاملے پر وضاحت کرسکتا ہے؟
یاد رہے کہ چیئرمین پاکستان پیپلز پارٹی بلاول بھٹو زرداری وزیراعظم عمران خان کو اپنے سیاسی جلسوں میں متعدد مرتبہ چچا کہہ کر مخاطب کرچکے ہیں۔
