اسلام آباد: سینیٹ (ایوان بالا) اور قومی اسمبلی (ایوان زیریں) کے اجلاس آج ہوں گے۔ سینیٹ کا اجلاس آج سہ پہر 4 بجے ہوگا جس کا 36 نکاتی ایجنڈا جاری کیا گیا ہے۔ ایجنڈے میں مختلف بلز، قائمہ کمیٹی کی رپورٹس اور پرنس کریم آغا خان کے لیے تعزیتی قرارداد پیش کی جائے گی۔
دوسری جانب، قومی اسمبلی کا اجلاس بھی آج شام 5 بجے ہوگا اور اس کا 17 نکاتی ایجنڈا جاری کیا گیا ہے۔ ایجنڈے کے مطابق وزیر قانون دیوانی عدالتوں کے آرڈیننس میں ترمیم کا بل پیش کریں گے، جبکہ وزیر داخلہ پاکستان ساحلی محافظین ایکٹ میں ترمیم اور انسانی سمگلنگ کی روک تھام کے ایکٹ میں ترمیم کا بل بھی پیش کریں گے۔
وزیر داخلہ امیگریشن ایکٹ میں ترمیم کا بل بھی پیش کریں گے۔ اس کے علاوہ، مختلف سیاسی امور پر بھی ایوان میں بحث کی جائے گی۔