لاہور : محکمہ موسمیات نے آج ملک کے مختلف علاقوں میں موسم سرد اور خشک رہنے کی پیشگوئی کی ہے۔ تاہم، کشمیر، گلگت بلتستان، بالائی خیبرپختونخوا اور شمال مغربی بلوچستان میں چند مقامات پر بارش اور پہاڑوں پر ہلکی برفباری کی توقع ہے۔
گزشتہ 24 گھنٹوں میں بیشتر علاقوں میں موسم سرد اور خشک رہا، مگر بالائی خیبر پختونخوا میں کچھ مقامات پر ہلکی بارش اور برفباری ہوئی۔ مری میں بھی بارش اور ہلکی برفباری کا سامنا ہوا۔ محکمہ موسمیات کے مطابق، سب سے زیادہ بارش مالم جبہ میں ریکارڈ کی گئی، جہاں 4 ملی میٹر بارش ہوئی، جبکہ پٹن، میر کھانی، چترال اور دیر میں 1 ملی میٹر بارش ریکارڈ کی گئی۔ مالم جبہ میں 1 انچ برفباری بھی ہوئی۔
