لاہور : آج وطن کے عظیم سپوت، نوجوان پائلٹ آفیسر راشد منہاس شہید کا یوم پیدائش ہے۔ راشد منہاس کی زندگی اور قربانی آج بھی ہر پاکستانی کے دل میں جوش و جذبے کی مثال ہے۔
راشد منہاس تربیتی پرواز پر روانہ ہو رہے تھے جب اچانک انسٹرکٹر مطیع الرحمان طیارے میں سوار ہو گئے اور جہاز کا رخ بھارت کی جانب موڑ دیا۔ راشد منہاس نے اپنی جان کی پرواہ کیے بغیر طیارے کا رخ دشمن کی بجائے زمین کی طرف موڑ دیا اور یوں اپنے وطن کی حرمت پر جان قربان کر دی۔ ان کی اس بے مثال قربانی پر انہیں پاکستان کا سب سے بڑا فوجی اعزاز "نشان حیدر" عطا کیا گیا۔
راشد منہاس 17 فروری 1951 کو کراچی میں پیدا ہوئے، اور 1968 میں پاکستان ایئر فورس میں شمولیت اختیار کی۔ وہ اپنے سات بہن بھائیوں میں سے ایک تھے اور ان کی قربانی نے پاکستانی قوم کو ہمیشہ کے لیے سر بلند رکھا۔ آج ہم ان کی جرات و بہادری کو یاد کرتے ہیں اور ان کی قربانی کو خراج عقیدت پیش کرتے ہیں۔
