برازیلیہ:برازیل کے شہر پیٹروپولس میں طوفانی بارشوں نے نظام زندگی درہم برہم کر دیا، مختلف واقعات میں 100 سےزائد افراد ہلاک ہو گئے۔
غیرملکی میڈیا کے مطابق شہر میں شدید بارشوں کے بعد لینڈ سلائیڈنگ سے کئی سڑکیں بند، مکانات اور گاڑیاں تباہ ہوگئیں جبکہ نظام زندگی مفلوج ہو کر رہ گیا ہے۔سیلاب اور لینڈ سلائیڈنگ کے نتیجے میں ہلاک ہونیوالے افراد کی تعداد 100 سے تجاوز کر چکی ہے۔
شہر بھر میں امدادی کارروائیاں جاری ہیں اور مختلف مقامات پر پھنسے افراد کو محفوظ مقامات پر منتقل کیا جا رہا ہے۔
قدرتی آفات کے باعث ہونیوالی ہلاکتوں پرشہر میں 3 روزہ سوگ کا اعلان کیا گیا ہے۔
