سپر سٹار فواد خان کی ہالی ووڈ میں انٹری

لاہور: پاکستانی ڈراموں اور فلموں  میں اداکاری کے جوہر دکھانے والے معروف اداکار فواد خان نے گزشتہ عرصے میں سامنے آنے والی افواہوں کی تصدیق کر دی ہے جس کے مطابق وہ جلد ہالی ووڈ کی آنے والی سیریز ایم ایس مارول میں نظر آئیں گے،تاہم انہوں نے سیریز میں اپنے کردار کے بارے میں کچھ نہیں بتایا۔ ان کے ہمراہ پاکستانی نژاد کینیڈین اداکار ہ ایمان ویلانی اور  ہالی ووڈ سپر اسٹار برائی لارسن بھی اس سیریز کا حصہ ہیں ۔
بھارتی میڈیا سے گفتگو کرتے ہوئے فواد خان نے اس حوالے سے تصدیق کی ، پاکستانی اداکار نے ہالی ووڈ میں کام کے تجربے کو بہترین قرار دیا۔
https://twitter.com/iHaroonRashid/status/1400759966252900364?s=20
خیال رہے کہ رواں برس جون میں اس حوالے سے افواہیں زیر گردش تھیں،  مداح  بھی ان افواہوں میں صداقت ہونے کی امید لگا کر بیٹھے تھے۔
تاہم کسی قسم کی تصدیق سامنے نہیں آئی تھی ۔اب اداکار نے ان خبروں کو سچ قرار دیتے ہوئے تصدیق کر دی ہے۔