لاہور: پاکستان کی ٹاپ ماڈل مشک کلیم اپنے قریبی دوست نادر ضیا کے ساتھ رشتہ ازدواج میں منسلک ہو گئیں.
تفصیلات کے مطابق سپر ماڈل مشک کلیم گزشتہ روز نادر ضیا کیساتھ شادی کے بندھن میں بندھ گئیں، ماڈل کے نکاح کی تقریب سے تصاویر بھی سوشل میڈیا پر خوب وائرل ہو رہی ہیں، جن میں وہ انتہائی خوش نظر آرہی ہیں ۔
View this post on Instagram
یاد رہے کہ نامور پاکستانی سپر ماڈل مشک کلیم نے گزشتہ ماہ سوشل میڈیا کے ذریعے ہی اپنی شادی کے بارے میں مداحوں کو اطلاع دی تھی۔ انہوں نے انسٹا گرام پر پوسٹ کر تے ہوئے بتایا تھا کہ وہ دسمبر میں نئی زندگی شروع کرنے جا رہی ہیں۔مشک کلیم کے مطابق ان کا نکاح 15 دسمبر ،رخصتی 17 اور ولیمے کی تقریب 18 دسمبر کو ہونا تھی۔
View this post on Instagram
سپر ماڈل نے شادی کا دعوت نامہ بھی شیئر کرتے ہوئے بتایا کہ ان کی زندگی کا اہم ترین دن صرف 20 دن دور ہے اور کاؤنٹ ڈاؤن شروع ہو چکی ہے۔
View this post on Instagram
خیال رہے کہ مشک کلیم اپنے جیون ساتھی نادر ضیا کے ساتھ اکثر رومانوی تصاویر بھی شیئر کرتی رہی ہیں ۔
View this post on Instagram
مشک کلیم نے کم عمری میں ہی ماڈلنگ کا آغاز کیا تھا اور انہیں ماڈلنگ کی دنیا میں 10 برس سے زائد کا عرصہ گزر چکا ہے، اب تک متعدد ایوارڈز بھی اپنے نام کر چکی ہیں۔
