اسلام آباد:پاکستان نے بھارتی جاسوس حامد نہال انصاری کو رہا کردیا۔
تفصیلات کے مطابق ترجمان دفتر خارجہ کی جانب سے جاری کئے گئے بیان میں بھارتی جاسوس کی رہائی کی خبر دی گئی۔ترجمان دفتر خارجہ کی جانب سے کہا گیا کہ بھارتی جاسوس حامدنہال انصاری کوواپس بھجوایا جارہا ہے،حامد نہال انصاری غیرقانونی طورپرپاکستان داخل ہوا ،بھارتی جاسوس کوریاستی مخالف سرگرمیاں اور جعلسازی پر گرفتار کیا گیا تھا جبکہ حامد نہال انصاری کوسزا مکمل ہونے پر رہا کیا گیا ۔
#HamidNehalAnsari, an Indian spy who had illegally entered Pakistan and was involved in anti-state crimes and forging documents, is being released upon completion of his sentence and is being repatriated to India.
— Dr Mohammad Faisal (@DrMFaisal) December 17, 2018
خیال رہے کہ حامد نہال انصاری کو 6 سال بعد رہا کیا گیا ہے جس کو 2012 ءمیں گرفتار کیا گیا تھا۔
واضح رہے کہ پاکستان میں دہشتگردانہ کارروائیوں میں ملوث رہنے والے اور اپنے جرائم کا اقرار کرنے والے بھارتی جاسوس کلبھوشن یادیو کو پاکستان کی جانب سے سزائے موت سنائی گئی ہے جبکہ اس کا مقدمہ عالمی عدالت انصاف میں جانے کے بعد سزا پر عملدرآمد فی الحال روکا گیا ہے۔
