کابل : طالبان نے افغانستان کی تمام سیاسی جماعتوں پر پابندی عائد کرتے ہوئے کہا ہے کہ ایسی سرگرمیاں اسلامی قوانین یا شریعت کے خلاف ہیں۔
طالبان کے وزیر انصاف عبدالحکیم شرعی نے افغان دارالحکومت کابل میں ایک نیوز کانفرنس میں پابندی کا اعلان کیا۔انہوں نے کہا کہ ملک میں سیاسی جماعتوں کے کام کرنے کی کوئی شرعی بنیاد نہیں ہے۔ وہ قومی مفاد کو پورا کرتی ہیں اور نہ ہی قوم ان کو پسند کرتی ہے ۔
دو سال قبل جب اس وقت کے طالبان نے جنگ سے تباہ حال افغانستان پر دوبارہ کنٹرول حاصل کر لیا تھا، تب تک 70 سے زیادہ بڑی اور چھوٹی سیاسی جماعتیں وزارت انصاف میں باضابطہ طور پر رجسٹرڈ تھیں۔
ایک افغان سیاسی مبصر توریک فرہادی نے کہا کہ طالبان خلیجی ممالک کی مثال کی پیروی کرتے ہیں جن میں سیاسی جماعتیں نہیں ہیں۔ملک کے مستقبل کے بارے میں گفتگو میں حصہ لینے کے لیے خواتین اور زندگی کے تمام شعبوں سے تعلق رکھنے والے افراد کی شرکت کی ضرورت ہے۔