طائف: سعودی عرب کے شہر طائف میں پھولوں کی بہار آگئی ۔
سعودی عرب کے خوبصورت ترین مقامات سے میں ایک طائف کی وادی بھی ہے ، طائف سے ہر سال 30 کروڑ گلاب کے پھول حاصل کیے جاتے ہیں ۔
ان پھولوں سے حاصل ہونے والے عرق سے خانہ کعبہ کو غسل دیا جاتا ہے ۔اس کے علاوہ ، گلاب کے پھولوں کا عطر سعودی عرب آنے والے زائرین میں بھی بے حد مقبول ہے ۔
طائف میں ان پھولوں کی کاشت کے لیے 800 سے زائد فارمز موجود ہیں ۔ان فارمز پر ہر طرح کے پھولوں کی افزائش ہوتی ہے ، جن کو سعودی عرب کے کونے کونے میں بھیجا جاتاہے ۔
سعودی عرب میں پھولوں سے عرق نکالنا پہلا کام ہوتا ہے ۔ اس کے علاوہ شادی بیاہ کی تقریبات سے لیکر ہر خوشی کی تقریب میں لال گلاب کے پھولوں سمیت کئی اقسام کے پھول استعمال کیے جاتے ہیں ۔ طائف کے گلاب پورے سعودی عرب میں خوشبوکے لحاظ سے مشہور سمجھتے جاتے ہیں ۔
