واشنگٹن(نوید صدیقی)پاکستان فلم انڈسٹری کے معروف اداکار طلعت اقبال کی حالت تشویشناک ،اداکارطلعت اقبال کےاہل خانہ نے سوشل میڈیا پر مداحوں سے دعائے صحت کی اپیل کردی ۔
تفصیلات کے مطابق پاکستان فلم انڈسٹری اور ٹی وی ڈراموں کے معروف اداکار طلعت اقبال کو ایک ہفتہ قبل ہارٹ اٹیک ہوا تھا ۔
جس کے بعد سے اب تک ان کی حالت تشویشناک ہے۔
اداکار طلعت اقبال طویل عرصے سے امریکا میں اپنی بیٹی اور داماد کے ساتھ مقیم ہیں ۔
ڈاکٹروں کے مطابق ان کی حالت تشویشناک ہے وہ امریکہ کے نجی ہسپتال میں زیر علاج ہیں ۔
اداکار طلعت اقبال نے پاکستان فلم انڈسٹری میں دس فلموں اور متعدد ٹی وی سیریلز میں اداکاری کے جوہر دکھائے ۔
طلعت اقبال کے بیٹے نےان کی صحت یابی کے لئے مداحوں سے دعاؤ ں کی اپیل کی ہے ۔
