لکھنؤ: انٹرنیشنل کرکٹ کونسل (آئی سی سی) ورلڈ کپ میں آج آسٹریلیا اور سری لنکا کا مقابلہ ہو گا۔
آئی سی سی ورلڈ کپ 2023 کے 14 ویں میچ میں اپنی پہلی جیت کی منتظر ٹیمیں آسٹریلیا اور سری لنکا کے درمیان پاکستانی وقت کے مطابق دوپہر ڈیڑھ بجےلکھنؤ کے بھارت رتن شری اٹل بہاری واجپائی ایکنا اسٹیڈیم میں آمنے سامنے ہوں گے۔
Both Australia and Sri Lanka look to get their first win of #CWC23
— ICC (@ICC) October 16, 2023
Who takes home the points in Lucknow?#AUSvSL pic.twitter.com/oUMQ6eOAoR
دونوں ٹیمیں فی الحال ورلڈ کپ 2023 میں ایک میچ بھی نہیں جیتی ہوئیں۔ آسٹریلیا نے اپنی مہم کا آغاز ہندوستان کے خلاف چھ وکٹوں کی شکست سے کیا، اور پھر جنوبی افریقہ کے خلاف 134 رنز سے شکست ہوئی۔
دوسری جانب جنوبی افریقہ نے سری لنکا کو اپنے ابتدائی میچ میں ہی شکست دی تھی۔ اگلے میچ میں سری لنکا کو پاکستانی ٹیم کے خلاف شکست کا سامنا کرنا پڑا۔
ون ڈے ورلڈ کپ کی تاریخ میں، آسٹریلیا اور سری لنکا 11 میچوں میں آمنے سامنے آچکے ہیں، جس میں آسٹریلیوی ٹیم نے آٹھ بار کامیابی حاصل کی ہے جبکہ ایک میچ بغیر کسی نتیجے کے ختم ہوا۔
واضح رہے کہ سری لنکا نے 1996 میں ون ڈے ورلڈ کپ جیتنے کے بعد سے آسٹریلیا کو اگلے سات میچز میں شکست نہیں دی۔
