’’ڈرنکس لے جانے پر بھی خوش ہوں‘‘

متفرق خبریں کھیل 
 
 ’’ڈرنکس لے جانے پر بھی خوش ہوں‘‘

دبئی: انڈین پریمیر لیگ (آئی پی ایل) کے پچھلے ایڈیشن میں سب سے زیادہ وکٹیں لینے والے جنوبی افریقہ کے سرکردہ لیگ سپنر عمران طاہرنے اب تک کھیلے گئے میچوں میں اپنی عدم شرکت پر کہا ہے کہ وہ ’’ٹیم کے لئے ڈرنکس لے جانے پر بھی خوش ہیں اور انہیں اس سے کوئی فرق نہیں پڑتا ‘‘۔


واضح رہے کہ اس سیزن میں عمران طاہر کو چنئی سپر کنگز کی جانب سے ایک بھی میچ میں موقع نہیں دیا گیا ہے۔ چنئی نے منگل کو سن رائزرز حیدرآباد کے خلاف تین سپنرز کھلائے لیکن طاہر کو پھر بھی جگہ نہیں مل سکی۔

عازمین حج کے لیے خوشخبری: تمام خاندان کو ایک ہی جگہ رہائش فراہم کی جائے گی


 چنئی کو ٹیم کے انتخاب اور ٹیم میں طاہر کا انتخاب نہ کرنے پر تنقید کا نشانہ بنایا گیا ہے۔ تاہم طاہر مایوس نہیں ہیں۔ 


عمران طاہر نےسماجی رابطے کی ویب سائٹ ٹوئٹر پر لکھا کہ’’ جب میں کھیلتا ہوں تو بہت سارے کھلاڑی میرے لئے ڈرنکس لاتے ہیں۔ اب جب جو کھلاڑی مستحق ہیں وہ کھیل رہے ہیں تو میرا فرض ہے کہ میں بھی ان کے لئے ڈرنکس لے کر میدان میں جائؤں۔

یہ یرے کھیلنے یا نہ کھیلنے کی بات نہیں ہے یہ ٹیم کی جیت کی بات ہے۔ اگر مجھے موقع ملا تو میں اپنی بھرپور صلاحیتوں کو بروئے کار لاتے ہوئے ٹیم کو جیت دلانے کی پوری کوشش کروں گا، لیکن میرے لئے ٹیم بہت اہم ہے‘‘۔

باران رحمت کے لیے پاکستان بھر میں نماز استسقا ء ادا