فاسٹ باؤلر عثمان شنواری نے ٹیسٹ کرکٹ سے ریٹائرمنٹ لے لی

لاہور: پاکستان کرکٹ ٹیم کے فاسٹ باؤلر عثمان شنواری نے ٹیسٹ کرکٹ سے ریٹائرمنٹ کا اعلان کر دیا ہے۔ 
سماجی رابطے کی ویب سائٹ ٹوئٹر پر جاری اپنے بیان میں عثمان شنواری نے بتایا کہ میں کمر کی تکلیف سے چھٹکارا پا چکا ہوں اور اس وقت مکمل فٹ ہوں اور کرکٹ میں کم بیک بھی کر لیا ہے تاہم ڈاکٹر اور فزیو کے مشورے کے بعد میں طویل دورانیے کا فارمیٹ چھوڑ رہا ہوں۔

عثمان شنواری کا کہنا تھا کہ مستقبل میں انجریز سے بچنے اور کرکٹ کے کیرئیر کو طویل کرنے کیلئے ریڈ بال کرکٹ سے الگ ہونے کا فیصلہ کیا ہے۔ 

Thanks to @sportsphysiojav ALHAMDULILLAH I have made my comeback again from back injury and now I am absolutely fit but due to my Doctors and physio advises I have to leave Long format to avoid such injuries in future and prolong my Cricket career.I am Resigning from Red ball pic.twitter.com/63gy4J7RKS

— Usman khan shinwari (@Usmanshinwari6) November 16, 2021

واضح رہے کہ عثمان شنواری نے ایک ٹیسٹ میچ میں پاکستان کی نمائندگی کی اور 33 فرسٹ کلاس میچز کھیل چکے ہیں۔ اس کے علاوہ انہوں نے 17 ون ڈے انٹر نیشنل اور 16 ٹی 20 انٹر نیشنل میچز بھی کھیل رکھے ہیں۔