اسلام آباد : وفاقی حکومت نے سوشل میڈیا ریگولیٹری اتھارٹی کے قیام کےلیے مشاورت شروع کردی۔
ذرائع کا کہنا ہے کہ سوشل میڈیا ریگولیٹری اتھارٹی سے متعلق مجوزہ پیکا ترمیمی بل 2024 پارلیمنٹ میں پیش کیا جانا ہے۔ کابینہ نے قانونی اصلاحات کمیٹی کی مجوزہ ترمیمی بل پر مشاورت کےلیے اسٹیک ہولڈرز کو دعوت دے دی۔
وزیراعظم نے کابینہ اجلاس میں اس معاملے پر کابینہ کی کمیٹی بنائی تھی جس کا کام مشاورت کرنا ہے۔ کمیٹی کی اتھارٹی کے قیام کےلیے میڈیا ہاﺅسز اور دیگر اسٹیک ہولڈرز کو مشاورت کی دعوت دے دی گئی۔
سوشل میڈیا ریگولیٹری اتھارٹی ڈیجیٹل حقوق سے متعلق معاملات پر حکومت کو تجاویز دے گی۔ اتھارٹی انٹرنیٹ کے ذمہ دارانہ استعمال اور ضوابط کی تعمیل یقینی بنائے گی۔
مجوزہ اتھارٹی کی جانب سے آن لائن مواد کو ریگولیٹ کرنے کا معاملہ بھی زیر غور آئے گا۔ سوشل میڈیا پر قانون کی خلاف ورزیوں کی تحقیقات سے متعلق طریقہ کار پر بھی بات ہوگی۔
مشاورت میں سوشل میڈیا قوانین کی خلاف ورزی کرنے والوں اور گواہوں کو طلب کرنے کا معاملہ بھی زیر غور آئے گا۔ بل شہریوں کی نجی زندگی کو سوشل میڈیا سے لاحق خطرات سے تحفظ دینے کےلیے لایا جارہا ہے۔
