لاہور: اسسٹنٹ کمشنر نارووال تہنیت بخاری کو خواتین کو دھمکیاں دینا مہنگا پڑ گیا ، جس کے بعد انہیں عہدے سے ہٹا دیا گیا۔
ایس اینڈ جی اے ڈی کے مطابق پاکستان ایڈمنسٹریٹو سروسز گروپ گریڈ 17 کی افسر اسسٹنٹ کمشنر تہنیت بخاری کیخلاف خواتین سے بدتمیزی کرنے کی شکایات تھیں جس پر متعلقہ حکام اور افسران نے نوٹس لیتے ہوئے انہیں عہدے سے ہٹا تے ہوئے ایس اینڈ جی اے ڈی میں رپورٹ کرنے کا حکم د ے دیا ہے ۔
اسٹنٹ کمشنر ناروال کا لاک ڈاؤن میں جوتا لینے والئ خواتین کو شرم کرنے کا مشورہ ۔۔ شرم سے ڈوب مریں۔
— Waseem Abbasi (@Wabbasi007) May 12, 2021
میرے خیال میں انہیں عام خواتین کے ساتھ اس طرح رعب نہیں جھاڑنا چاہیے دکان دار کو روکیں۔ کسی کی توہین قانون نافذ کرنے کاُدرست طریقہ نہیں۔ pic.twitter.com/RBERO2vECW
خیال رہے کہ چند روز قبل سوشل میڈیا پر ایک ویڈیو سامنے آ ئی جس میں اے سی نارووال سیدہ تہنیت بخاری کو خواتین سے بحث کرتے دیکھا جا سکتا ہے ، تاہم ویڈیو سوشل میڈیا پر وائرل ہونے کے بعد انتظامیہ حرکت میں آگئی اور خاتون اسسٹنٹ کمشنر کو عہدے سے ہٹانے کے احکامات جاری کر دئیے گئے۔
ایڈیشنل چیف سیکرٹری ارم بخاری نے اے سی نارووال کا تبادلہ کرتے ہوئے انہیں فوری ایڈمنسٹریشن ونگ ایس اینڈ جی اے ڈی رپورٹ کرنے کے احکامات جاری کیئے ہیں ۔
