اسلام آباد : حکومت نے اگلے 15 روز کے لیے پٹرولیم مصنوعات کی قیمتوں کو برقرار رکھنے کا اعلان کیا ہے۔ وزارت خزانہ کی جانب سے جاری کیے گئے نوٹیفکیشن کے مطابق، پٹرول، ڈیزل، مٹی کے تیل اور لائٹ ڈیزل کی قیمتیں تبدیل نہیں کی گئیں۔
نوٹیفکیشن کے مطابق، اگلے پندرہ روز کے لیے پٹرول کی قیمت 255 روپے 63 پیسے، ہائی سپیڈ ڈیزل کی قیمت 258 روپے 64 پیسے، مٹی کے تیل کی قیمت 168 روپے 12 پیسے، اور لائٹ ڈیزل کی قیمت 153 روپے 34 پیسے برقرار رکھی گئی ہے۔
اس سے قبل، وزیراعظم شہباز شریف نے پٹرولیم مصنوعات کی قیمتیں برقرار رکھنے کا اعلان کیا تھا اور کہا تھا کہ یہ اقدام بجلی صارفین کو ریلیف دینے کے لیے کیا گیا ہے۔ انہوں نے مزید کہا کہ وہ جلد عوام کو بجلی کی قیمتوں میں بڑا ریلیف دینے والے ہیں اور اس حوالے سے وہ خود قوم سے خطاب کریں گے۔
