لاہور: ڈرامہ سیریل 'دھواں' سے شہرت کی بلندیوں پر پہنچنے والے اداکار، ہدایتکار اور مصنف عاشر عظیم نے پاکستان چھوڑ دیا۔
اپنے ٹوئٹر پیغام میں عاشر عظیم نے وطن چھوڑنے کی تصدیق کرتے ہوئے لکھا میں نے ملک چھوڑ دیا ہے کیونکہ میں مایوس ہو گیا ہوں۔ شریف یا زرداری کی وجہ سے نہیں یہ تو ہمیشہ ایسے ہی تھے تاہم میں یہاں کے لوگوں سے مایوس ہو گیا ہوں۔
عاشر عظیم نے مزید لکھا لوگ اصول کی بات نہیں کرتے، اصول پر نہیں لڑتے، اصول پر ہنستے ہیں۔ انہیں شریف، زرداری اور راؤ جیسے لوگ ہی ملیں گے اور بس نام تبدیل ہو جائیں گے۔
I left the country coz i got disappointed. Not with Sharifs or Zardaris, yeh to hamesha Esay hi thay, but with the people.
— Asher Azeem Gill (@ashirazeemgill) July 14, 2018
Log asool ki baat nahin karte, asool pe nahin larte, asool par hanste hain. They will always hv Sharifs n Zardaris n Raos only names will change. https://t.co/c5n4Y7jO62
اپنے پیغام میں عاشرعظیم نے ڈرامہ سیریل 'دھواں' کا ایک سین بھی شیئر کیا جس میں وہ یعنی اے ایس پی اظہر ڈرامے کے دیگر کرداروں کے ساتھ ملکی حالات پر گفتگو کرتے نظر آئے۔
شاہکار ڈرامے دھواں کے تقریباً 20 سال بعد عاشر عظیم نے اپنی فلم 'مالک' کے ذریعے شوبز میں واپسی اختیار کی تھی لیکن اس فلم کو سنسر بورڈ کی جانب سے پابندیوں کا سامنا کرنا پڑا۔
Hey sir @ashirazeemgill is this true?! Need your comment! pic.twitter.com/hIBegoXqUM
— Asma Yusufzai ???????? (@asma_rehman02) July 12, 2018
تاہم عاشر عظیم نے ہمت نہ ہاری اور سنسر بورڈ کے فیصلے کے خلاف عدالت سے رجوع کیا. بالآخر وہ کیس تو جیت گئے اور فلم بھی ریلیز ہوگئی لیکن اس سب قصے میں انہیں کافی زیادہ مالی خسارے کا سامنا کرنا پڑا۔
عاشر عظیم پاکستان کسٹمز میں ایک اہم عہدے پر تعینات تھے لیکن کچھ ناگزیر وجوہات کی بناء پر انہوں نے اپنی ملازمت سے استعفیٰ دیا اور پھر پاکستان بھی چھوڑ دیا اور اب وہ کینیڈا میں ٹرک چلاکر گزر بسر کر رہے ہیں جس کی تصدیق انہوں نے اپنے ٹوئٹر پیغام میں کی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
