کراچی : پاکستان تحریک انصاف کے رہنما شیر افضل مروت کا کہنا ہے کہ صدر علوی کے بارے میں ٹویٹ عمران خان کے کہنے پر کیا ہے۔ صدر علوی نے پی ڈی ایم حکومت کی قانون سازی میں سہولت کاری کرکے زیادتی کی۔
نجی ٹی وی کے پروگرام میں گفتگو کرتے شیر افضل مروت نے کہا کہ حامد خان، رؤف حسن اور شعیب شاہین ان کے خلاف سازش کر رہے ہیں۔ میں نے عمران خان کو ان کے بارے بتا دیا ہے ۔
شیر افضل مروت کا کہنا تھا کہ میں عمران سے منسوب کرکے جو بیان دیتا ہوں وہ عمران خان کا ہی بیان ہوتا ہے۔ پارٹی میں کچھ لوگوں کو مجھ سے مسئلہ ہو رہا ہے۔
