کیلیفورنیا: انٹرنیٹ کے مقبول ترین سرچ انجن گوگل نے یورپی یونین کے انتخابات سے قبل غلط معلومات کے خلاف مہم شروع کرنے کا اعلان کر دیا ہے۔ یورپی یونین کے شہری خطے میں پالیسیوں اور قوانین کی منظوری کے لیےجون میں نئی یورپی پارلیمنٹ کا انتخاب کریں گے جس کیلئے قانون ساز خدشہ ظاہر کر رہے ہیں کہ آن لائن غلط معلومات کا پھیلاؤ ووٹرز کو متاثر کر سکتا ہے۔
اس حوالے سے گوگل نے انتخابات سے قبل غلط معلومات کے خلاف مہم شروع کرنے کا اعلان کیا ہے۔ گوگل انتظامیہ کاکہنا ہے کہ گوگل آن لائن لائن پلیٹ فارمز پر غلط نشر ہونے والے مواد سے نمٹنے کے لیے سخت قوانین تیار کر رہا ہے۔رپورٹ کے مطابق گوگل یورپی یونین کے 5 ممالک بیلجئم، فرانس، جرمنی، اٹلی اور پولینڈ میں ٹک ٹاک اور یوٹیوب جیسے پلیٹ فارمز پر اشتہارات کی سیریز چلائے گا، ان اشتہارات کا 24 یورپی زبانوں میں ترجمہ بھی کیا جائے گا۔
گوگل کے مطابق اشتہارات میں کیمبرج اور برسٹل یونیورسٹیوں کے محققین کے ساتھ مل کر تیار کی گئی "پری بنکنگ" تکنیک کا استعمال کیا جائے گا، پری بنکنگ واحد تکنیک ہے جو سیاسی میدان میں موثر طریقے سے کام کرے گی۔
گوگل حکام کا کہنا ہے کہ یہ تکنیک ناظرین کو غلط معلومات اور غلط مواد کا سامنا کرنے سے پہلے ان کی شناخت کرنے میں مدد فراہم کرے گی۔