شادی سے قبل  تولیدی صحت سے متعلق آن لائن  کورس اچھا اقدام ہے ، شہزاد  رائے

تعلیم و صحت 
 
شادی سے قبل  تولیدی صحت سے متعلق آن لائن  کورس اچھا اقدام ہے ، شہزاد  رائے

  کراچی:   گلوکار اور سماجی کارکن  شہزاد  رائے کا کہنا ہے کہ شادی سے قبل جوڑوں کے لیے وزارت  قومی صحت کی جانب سے کرایا جانے والا  تولیدی صحت سے متعلق آن لائن  کورس اچھا اقدام  ہے۔

سماجی رابطے کی ویب سائٹ ٹوئٹر پر اپنے ایک پیغام میں شہزاد رائے  کا کہنا  تھا کہ  پاکستان میں روزانہ 18 ہزار 984 بچے پیدا ہوتے ہیں۔  شادی سے قبل تولیدی صحت سے متعلق آن لائن کورس کی سپورٹ پر چئیرمین نادرا طارق ملک کو سلام پیش کرتا ہوں۔

وزیراعظم شہباز شریف قاہرہ میں D-8 سربراہی اجلاس میں شرکت کے لیے پہنچ گئے

شہزاد رائے نے مزید کہا کہ  شادی سے قبل جوڑوں کے لیے آن لائن تولیدی صحت کے بارے میں   کورس کو لازمی قراردینے کے لیے چئیرمین نادرا کی کوششیں بھی قابل  تحسین ہیں ۔