امریکہ : ریاست آلابامہ کے ہائی وے پر ہیلی کاپٹر تباہ ہو گیا اور دو گارڈز ہلاک ہو گئے ۔
امریکی حکام کا کہنا ہے کہ ریاست آلابامہ کے ہائی وے پر ہیلی کاپٹر تباہ ہو گیا اور دو گارڈز ہلاک ہو گئے ، ہیلی کاپٹر میں امریکی ریاست ٹینیسی کے صرف دو نیشنل گارڈز سوار تھے ۔
حکام کے مطابق گارڈز یو ایچ۔60 بلیک ہاک نامی ہیلی کاپٹر پر ٹریننگ لے رہے تھے ، کہ اچانک ہیلی کاپٹر گر کر تباہ ہو گیا ۔ حکام کا کہنا ہے کہ واقعہ کی تحقیقات جاری ہیں ، ہیلی کاپٹر گرنے کی وجوہات جلد سامنے لائی جائیں گی ۔
