لاہور: پاکستان مسلم لیگ (ن) کی نائب صدر مریم نواز شریف نے وزیراعظم عمران خان کی ذاتی زندگی سے متعلق افواہیں پھیلانے اور سیکورٹی اداروں کیخلاف سوشل میڈیا پر مہم چلانے کے الزام میں گرفتار ہونے والے کارکن اور سوشل میڈیا ایکٹیوسٹ صابر محمود ہاشمی کے کیس کیلئے ایڈووکیٹ فرہاد علی شاہ کو وکیل مقرر کر دیا۔
اس کیس کی ذمہ داری ایڈووکیٹ فرہاد علی شاہ صاحب @AliMpbc کو سونپی گئی ہے۔ انہوں نے پہلے بھی مسلم لیگ ن کے کارکنان کو انصاف کی فراہمی کیلیے اپنا مؤثر کردار ادا کیا تھا.انشاءاللّہ @SabirMehmood26 کا مقدمہ بھی وہ پوری قوت سے لڑیں گے۔ https://t.co/rRCMwRcOXg
— Maryam Nawaz Sharif (@MaryamNSharif) February 15, 2022
مریم نواز نے اپنے ٹوئٹر پیغام میں لکھا کہ ' کیس کی ذمہ داری ایڈووکیٹ فرہاد علی شاہ کو دی گئی ہے ۔ انہوں نے پہلے بھی مسلم لیگ ن کے کارکنان کو انصاف کی فراہمی کیلئے اپنا مؤثر کردار ادا کیا تھا.صابر محمود کا مقدمہ بھی وہ پوری قوت سے لڑیں گے۔'
واضح رہے کہ چند روز قبل سوشل میڈیا پر وزیراعظم کی ذاتی زندگی سے متعلق مہم چلانے کے الزام میں گرفتار صابر محمود ہاشمی کی گرفتاری پر مریم نواز نے شدید ردِ عمل کا اظہار کیا تھا۔
صابر محمود ہاشمی کا دن دہاڑے اغوا حکومت کی بدحواسی کی گواہی دیتا ہے۔ کیا عمران خان کوئی مقدس گائے ہے کہ جسکی لوٹ مار اور ناکامیوں پر تنقید نہیں کی جاسکتی؟
— Maryam Nawaz Sharif (@MaryamNSharif) February 14, 2022
پوری پارٹی اس وقت @SabirMehmood26 کے ساتھ کھڑی ہے۔ FIA کو بھی چاہیے کہ اس ختم ہوتی حکومت کا آلہِ کار بننے سے گریز کریں۔
مائیکرو بلاگنگ ویب سائٹ ٹوئٹر پر ٹوئٹ کرتے ہوئے لیگی رہنما مریم نواز نے صابر کی گرفتاری کو حکومت کی جانب سے دن دیہاڑے اغوا قرار دیا۔انہوں نے کہا کہ کیا عمران خان وہ مقدس گائے ہے جس کی لوٹ مار اور ناکامیوں پر تنقید نہیں کی جا سکتی؟ انہوں نے ایف آئی اے کو تنبیہ کی کہ وہ اس زوال پذیر حکومت کا آلہ کار بننے سے باز رہے۔
یہ میرا فرض ہے۔ امید ہے جلد ضمانت ہو جائے گی انشاءاللّہ۔ https://t.co/cCDUodakjg
— Maryam Nawaz Sharif (@MaryamNSharif) February 14, 2022
مریم نواز نے صابر نامی سوشل میڈیا ایکٹویسٹ کیلئے آواز اٹھاتے ہوئے مزید کہا کہ یہ میرا فرض ہے، جلد ضمانت ہوجائے گی۔
واضح رہے کہ ایف آئی اےنے پیر کے روز صابر ہاشمی کو وزیراعظم عمران خان اور خاتون اول کے درمیان ناراضی سے متعلق سوشل میڈیا پر مہم چلانے کے الزام میں گرفتار کیا تھا۔
نیو نیوز کے مطابق مسلم لیگ ن کی سوشل میڈیا ٹیم سے تعلق رکھنے والے صابر ہاشمی نے سوشل میڈیا پر وزیراعظم کے خلاف مہم چلائی تھی.
دوسری جانب خاتون اول کی بہن مریم ریاض نے وزیراعظم عمران خان اور اہلیہ بشریٰ بیگم کے درمیان ناراضی سے متعلق افواہوں کی تردید کرتے ہوئے کہا تھا کہ بشریٰ بی بی اسلام آباد میں ہی رہائش پذیر ہیں۔ تمام افواہیں بے بنیاد ہیں۔
انہوں نے کہا کہ بشریٰ بیگم کو مشورہ دیا ہے کہ سوشل میڈیا پر افواہیں اور من گھڑت خبریں پھیلانے والوں کیخلاف عدالتی کارروائی کریںْ۔
یاد رہے کہ چند روز قبل خاتون اول بشری بیگم کی دوست فرح خان نے بھی تمام افواہوں کی تردید کی تھی۔ انہوں نے کہا کہ خاتون اول میرے گھر قطعا قیام پذیر نہیں اور وہ بنی گالہ اسلام آباد میں ہیں۔
جھوٹ پر مبنی واٹس اپ میسیج کے ذریعے وزیراعظم اور خاتون اول کے خلاف پراپیگنڈا کیا جا رہا ہے۔ خاتون اول میرے گھر قطعا قیام پذیر نہیں اور بنی گالا اسلام آباد میں موجود ہیں۔ سیاست میں اتنا نیچے نہیں گرنا چاہیے کہ لوگوں کی ذاتی زندگیوں پر جھوٹ بولے جائیں.
— iam Farah Khan (@farahkhan_92) February 12, 2022
فرخ خان کا مزید کہنا تھا کہ سیاست میں اتنا نیچے نہیں گرنا چاہیے کہ لوگوں کی ذاتی زندگیوں سے متعلق جھوٹ بولے جائیں۔
