اسلام آباد : آج پاکستان کی پارلیمنٹ کے دونوں ایوانوں، سینیٹ اور قومی اسمبلی، کے اجلاس ہوں گے۔ سینیٹ کا اجلاس سہ پہر 4 بجے شروع ہوگا، جس کا 32 نکاتی ایجنڈا جاری کر دیا گیا ہے۔ اجلاس میں سپریم کورٹ کے ججوں کی تعداد کے حوالے سے قانون میں ترمیمی بل کی واپسی پر بحث کی جائے گی، جبکہ انسداد سمگلنگ اور انسانی سمگلنگ کے قوانین میں ترامیم پر بھی غور کیا جائے گا۔
دوسری جانب، قومی اسمبلی کا اجلاس شام 5 بجے شروع ہوگا، جس کا 9 نکاتی ایجنڈا بھی جاری کر دیا گیا ہے۔ اجلاس میں خاص طور پر ملک میں نجی ایئر لائنز کی پروازیں شروع نہ کرنے کے حوالے سے توجہ دلاؤ نوٹس شامل ہے۔
