کراچی: پاکستانی کرنسی کے مقابلے میں امریکی ڈالر کی قیمت میں استحکام ریکارڈ کیا گیا جبکہ پاکستان سٹاک مارکیٹ میں اُتار چڑھاؤ کے بعد شدید مندی ریکارڈ کی گئی۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے چوتھے کاروباری روز کے دوران انٹر بینک میں روپے کے مقابلے امریکی ڈالر کی قیمت میں استحکام ریکارڈ کیا گیا اور قیمت 177 روپے 98 پیسے کی سطح پر برقرار ہے۔
Interbank closing #ExchangeRate for today:https://t.co/mxnfgcxHzK pic.twitter.com/EhKXHZ0W9a
— SBP (@StateBank_Pak) December 16, 2021
دوسری طرف پاکستان سٹاک مارکیٹ میں اُتار چڑھاؤ کے بعد 635.66 پوائنٹس کی شدید مندی ریکارڈ کی گئی اور 100 انڈیکس 43731.20 پوائنٹس کی سطح پر پہنچ کر بند ہوا، پورے کاروباری روز کے دوران 1.43 فیصد کی تنزلی دیکھی گئی ہے۔ شدید مندی کے باعث سرمایہ کاروں کے اربوں روپے ڈوب گئے۔
