لاہور: معروف اداکارہ حرامانی کو اہم ایوارڈ سے نوازدیا گیا ۔ گورنر پنجاب چوہدری سرور نے انہیں فنی خدمات پر سراہتے ہوئے " ویمن میڈیا ایوارڈز " دیا ۔
اداکارہ حرا مانی نے انسٹاگرام پر گورنر ہاؤس پنجاب میں منعقد ایک تقریب میں گورنر پنجاب چوہدری سرور سے ویمن میڈیا ایوارڈ وصول کرتے ہوئے اپنی تصاویر شیئر کیں۔
حرا مانی نے گورنر پنجاب کا شکریہ ادا کرتے ہوئے لکھا کہ ’بہت شکریہ سرور صاحب آپ کے اس خوبصورت اخلاق کا، میرے کام کو سراہنے کا، اس ایوارڈ کا شکریہ۔‘
اداکارہ نے پاکستان سے محبت کا اظہار کرتے ہوئے لکھا کہ ’جیوے پاکستان، شکریہ پاکستان۔
View this post on Instagram
حرا مانی کو ایوارڈ ملنے پر شوبز انڈسٹری کے ساتھیوں، معروف شخصیات اور مداحوں کی جانب سے مبارک باد دی جارہی ہیں۔
خیال رہے کہ حرا مانی اپنی منفرد اداکاری کی وجہ سے بہت مقبول ہیں ۔ ڈرامہ سیریل ‘میرے پاس تم ہو’ اور ‘دو بول’ میں ان کے کردار کو بہت زیادہ پسند کیا گیا تھا۔
