اسلام آباد : سینئر ترین جج جسٹس علی باقر نجفی نے سپریم کورٹ کے جج کی حیثیت سے حلف اٹھا لیا۔ چیف جسٹس آف پاکستان، یحییٰ آفریدی نے جسٹس علی باقر نجفی سے حلف لیا۔ حلف برداری کی تقریب سپریم کورٹ میں منعقد ہوئی، جس میں سپریم کورٹ کے ججز، اٹارنی جنرل اور سینئر وکلاء نے شرکت کی۔
یاد رہے کہ وزارت قانون نے جسٹس علی باقر نجفی کی تعیناتی کا نوٹیفکیشن گزشتہ روز جاری کیا تھا۔ جسٹس علی باقر نجفی کو جوڈیشل کمیشن نے سپریم کورٹ کا جج بنانے کی سفارش کی تھی۔ وہ لاہور ہائی کورٹ کے جج رہ چکے ہیں اور اب سپریم کورٹ میں اپنی خدمات پیش کریں گے۔