اسلام آباد: ڈپٹی سپیکر قومی اسمبلی قاسم سوری نے اپنے عہدے سے مستعفی ہو گئے ہیں اور ان کا استعفیٰ سیکرٹری قومی اسمبلی کے دفتر کو موصول ہو گیا ہے۔
قاسم خان سوری نے سماجی رابطوں کی ویب سائٹ ٹوئٹر پر جاری پیغام میں بطور ڈپٹی سپیکر قومی اسمبلی اپنے استعفے کی تصویر شیئر کرتے ہوئے لکھا ’قومی اسمبلی سے استعفیٰ میری پارٹی کے ویژن، اس کی شاندار وراثت اور جمہوریت کے ساتھ اس کی وابستگی کی علامت ہے، پاکستان کی خودمختاری اور سالمیت پر کبھی سمجھوتہ نہیں کریں گے۔ ملکی مفادات اور آزادی کیلئے لڑیں گے اور پاکستان کے تحفظ کیلئے کسی بھی حد تک جائیں گے۔‘
قومی اسمبلی سے استعفیٰ میری پارٹی کے وژن، اس کی شاندار وراثت اور جمہوریت کے ساتھ اس کی وابستگی کی علامت ہے، پاکستان کی خودمختاری اور سالمیت پر کبھی سمجھوتہ نہیں کریں گے ملکی مفادات اور آزادی کے لیے لڑیں گے اور ???????? کے تحفظ کے لیے کسی بھی حد تک جائیں گے۔ #امپورٹڈ_حکومت_نامنظور pic.twitter.com/fIskL5pVLg
— Qasim Khan Suri (@QasimKhanSuri) April 16, 2022
واضح رہے کہ آج پینل آف چیئر ایاز صادق کی زیر صدارت قومی اسمبلی کے اجلاس میں ڈپٹی سپیکر قاسم سوری کے خلاف تحریک عدم اعتماد پر خفیہ ووٹنگ کی جانا تھی جبکہ سپیکر قومی اسمبلی اسد قیصر کے استعفے کے بعد نئے سپیکر کا انتخاب بھی ایجنڈے میں شامل ہے اور پرویز اشرف بلامقابلہ سپیکر منتخب ہو چکے ہیں جو آج اپنے عہدے کا حلف اٹھائیں گے۔
قومی اسمبلی سیکرٹری کے مطابق راجہ پرویز اشرف کے سپیکر منتخب ہونے کا نوٹیفکیشن آج ہی جاری کیا جائے گا تاہم اس سے پہلے اجلاس کی صدارت کیلئے پاکستان مسلم لیگ (ن) کے رہنماءسردار ایاز صادق سے درخواست کی گئی ہے۔
یاد رہے کہ قاسم سوری نے 9 اپریل کو اجلاس 16 اپریل تک ملتوی کیا تھا جس کے بعد تاریخ بدل کر 22 اپریل کردی تھی تاہم وزیراعظم شہباز شریف کے توجہ دلانے پر اسمبلی سیکرٹریٹ نے اجلاس 16 اپریل کے مقررہ وقت پر بلوایا۔
