لندن : پاکستان کرکٹ ٹیم کے مایہ ناز فاسٹ باؤلر محمد عباس نے کاﺅنٹی کرکٹ میں ہمپشائر کی نمائندگی کرتے ہوئے مڈل سکس کیخلاف ناصرف ہیٹ ٹرک مکمل کی بلکہ پانچ کھلاڑیوں کو آؤٹ کر کے تاریخی کارنامہ سرانجام دیدیا ہے۔
تفصیلات کے مطابق محمد عباس نے یہ ہیٹ ٹرک دو اوورز میں مکمل کی، اپنے پہلے اوور کی پانچویں اور چھٹی جبکہ دوسرے اور کی پہلی گیند پر انہوں نے ہیٹ ٹرک مکمل کی۔ قومی باؤلر کی تیز رفتار گیندوں پر آؤٹ ہونے والے مڈل سکس کے بلے بازوں میں میکس ہولڈن، نک گبنز اور سٹیوی سکینزی شامل تھے۔
INNINGS CLOSE | The remaining 5⃣ wickets tumble as we bowl out Middlesex for 7⃣9⃣@RealMAbbas226 ends with 6-11 & @Brad_wheal contributes 3⃣ in quick succession
— Hampshire Cricket (@hantscricket) April 16, 2021
We now look to build upon our lead of 2⃣4⃣0⃣????
???? https://t.co/vVlxv4bMSu & Hampshire Cricket App ???? pic.twitter.com/8dGi9zCgPC
فاسٹ باؤلر نے اپنے 11 اوورز کے سپیل میں صرف 11 رنز دے کر 6 کھلاڑیوں کو پویلین کی راہ دکھائی اور اس سے بھی زیادہ دلچسپ بات یہ ہے کہ مذکورہ سپیل میں ان کے 6 اوورز میڈن تھے۔ واضح رہے کہ محمد عباس پاکستان کی جانب سے 23 ٹیسٹ میچ کھیل کر 84 وکٹیں حاصل کر چکے ہیں اور ٹیسٹ کرکٹ میں پاکستان کے اہم ترین باؤلر کی حیثیت رکھتے ہیں۔
